KITUO CHA AFYAYA SWAYA MBIONI KUKAMILIKA

Imewekwa Tarehe: July 7th, 2021

Kituo cha afya kilichopo katika kijiji Swaya  kata ya Swaya Halmashauri ya wilaya ya Rungwe inatatarajiwa kuanza kutoa huduma za afya hivi karibuni baada ya ujenzi wake kukamilika.

Kituo hicho kilianza kujengwa  mwaka 2016 kwa ushirikiano wa wananchi na Serikali umegharimu zaidi ya shilingi million 50.

Kukamilika kwake kutaharakisha huduma za afya  kwa wakazi wa kijiji hiki hasa huduma ya mama na mtoto ambayo wamekuwa wakiipata vijiji vya jirani na hivyo kutishia uhai  na afya zao.

Mbele ya kamati ya Uchumi, Fedha na Mipango (FUM),  Serikali ya Kijiji  Imeeleza kuwa ujenzi wa nyumba za wataalamu wa afya utaanza hivi karibuni.

Mheshimiwa Mpokigwa Mwankuga ni Mwenyekiti wa Halmashauri ya wilaya ya Rungwe ambapo amesifu jitihada zinazofanywa na wakazi wa kijiji hicho katika kuchangia shughuli za maendeleo na kuomba vijiji vingine kuiga  mfano huo badala ya kuacha serikali itekeleze miradi yote bila nguvu za wananchi.

" Ninawahidi kuwapa ushirikiano kila itakapowezekana ili kuhakikisha tunatekeleza ilani yetu ya Chama cha Mapinduzi kwa Vitendo" Ameongeza Mhe. Mwankuga.