Makala

23/11/2018

SOKO LETU, GULIO LETU

Halmashauri ya Wilaya ya Rungwe ina masoko na magulio  makubwa ambayo yapo katika kata mbalimbali katika Wilaya ya Rungwe.

Masoko  ambayo ni ya kudumu  na yanayotoa huduma kila siku ni soko la Tandale, Soko kuu la Tukuyu mjini , soko la  Kiwira na soko la Ushirika lililopo Kata ya Mpuguso.

Aidha yapo masoko mengine yajulikanayo kama magulio au Lembuka ambayo hufanyika kwa siku tofauti za wiki katika kata za Halmashauri ya Wilaya  Rungwe. Magulio hayo ni Soko la Lembuka Kiwira, Soko la Tandale, Soko la Ikuti, Soko la K.K (Kyimo), Soko la Igembe Kata ya Lufingo na Kata ya Lupepo Soko la Lugombo ambapo magulio hayo hufanyika kwa siku tofauti za  wiki. Wakulima na wafanya biashara  kutoka  sehemu mbalimbali hufanya biashara katika Masoko (Magulio) hayo.

Aidha katika masoko na magulio yote hayo hufanyika biashara za mazao ya chakula, mifugo, uvuvi,  misitu na bidhaa zinazozalishwa viwandani. Bidhaa hizo hutumika ndani ya Wilaya na nyingine kwenda nje ya Wilaya, nje ya mkoa wa Mbeya na hata kwenda Nchi  jirani za Malawi na Zambia.

Halmashauri ya Wilaya ya Rungwe  Kupitia Masoko na Magulio,  inanufaika na ukusanyaji wa ushuru na tozo mbalimbali kupitia Magulio na Masoko hayo. Aidha Halmashauri ya Wilaya ya Rungwe imeweza kujenga miundo mbinu rafiki na wezeshi ili kuweza kufikia Magulio na Masoko hayo kiurahisi. Pia Halmashauri imefanikiwa kujenga Ghala baridi (Cold-room) katika Kata ya Kyimo eneo la Ilenge na  ina mpango wa kujenga Soko Ndizi la kimataifa katika eneo hilo. Ghala hilo litasaidia kutunza bidhaa za matunda ili yaweze kusafirishwa kwenda ndani ya Nchi na Nje ya Nchi  bila kupoteza ubora wake.

SOKO LA GULIO (LEMBUKA) TANDALE

Picha za wafanyabiashara na bidhaa mbalimbali katika Gulio la Tandale.(picha zote na Suzan Mhoja)

14/10/2018

MPANGO WA KUNUSURU KAYA MASIKINI RUNGWE PAA

MFUKO wa Maendeleo ya jamii (TASAF) katika Halmashauri ya Wilaya ya Rungwe  Mkoani Mbeya  jumla   kaya 6,132  zilizoingizwa kwenye  Mpango wa kunusuru kaya Maskini tangu mpango huo uanze mwaka 2015 ili wanufaike.  Mpaka sasa jumla ya walengwa 6,047 ndio wanaonufaka  wa mpango huu kwani kuna baadhi ya wanufaika walifariki na wengine kuondolewa kwenye mpango huo. Wafuatao ni baadhi ya wanufaika wa mpango ambao wameelezea mafanikio yao tangu kujiunga na mpango huu.

Kwa maelezo zaidi soma  hapa chini;

kaya_maskini.pdf