Idara ya Maendeleo ya Jamii ni miongoni mwa Idara 13 za Halmashauri ya wilaya ya Busokelo.
Idara imekuwa ikifanya kazi za jamii kwa kushirikiana na Idara zingine ili kufikia malengo yake, Idara ya maendeleo ya jamii imeundwa na vitengo TANO(5) ambavyo ni:-
1. Dawati la Jinsia na Watoto
Kutoa elimu ya Uraia mwema, uwajibikaji , Elimu ya Idadi ya watu na maisha ya familia
Kutoa elimu kwa jamii kuhusiana na sera ya maendeleo ya jamii , sera ya maendeleo ya wanawake na sera ya maendeleo ya watoto
Kutoa elimu ya ujasiriamali na kuhamasisha wanajamii hususani wanawake na vijana kujiunga katika vikundi vya uzalishaji mali
Kuratibu utoaji mikopo kwa Wanawake na Vijana
Kutoa elimu kwa jamii dhidi ya ukatili wa kijinsia na ukatili dhidi ya watoto na kuanzisha timu ngazi za vijiji na kata itayosimamia maswala ya ukatili wa watoto na wanawake
2. Vijana
3.Utafiti na mipango
Uibuaji na upangaji mipango ya vijiji/Kata kwa mfumo wa fursa na vikwazo kwa maendeleo(O&OD)
Kutoa mafunzo ya Utawala Bora na utunzaji wa kumbukumbu kwa viongozi / serikali za vijiji na taasisi katika Halmashauri
Uhamasishaji jamii kushiriki katika shughuli mbalimbali za maendeleo ya jamii na ushiriki katika kusimamia na kutekeleza miradi iliyopo katika maeneo yao.
Kuunganisha nguvu za jamii na serikali ili kuondoa fikra tegemezi.na kujitegemea wenyewe.
Kukusanya, kutunza,kutafsiri na kusambaza takwimu na kumbukumbu mbalimbali kwa ajili ya matumizi ya jamii.
4. Ustawi wa jamii
Huduma ya Ustawi wa familia na watoto, Malezi, Makuzi na Maendeleo ya awali ya watoto wadogo.
Mpango shirikishi jamii wa malezi ,makuzi, matunzo na ulinzi kwa yatima na watoto walio katika mazingira hatarishi.
Program ya stadi za malezi ya watoto walio katika mazingira hatarishi
Huduma na msaada wa kisaikolojia na kijamii (Psychosocial Care and Support)
Program ya maboresho ya sekta ya Sheria.
5. Uratibu wa mapambano dhidi ya VVU/UKIMWI
Kitengo hiki kimejikita katika maeneo makuu manne:
Mazingira Wezeshi
Kuweka mazingira mazuri ya kisiasa, kijamii, kiuchumi, na kiutamaduni ya mwitikio wa kitaifa dhidi ya UKIMWI kwa misingi ya Haki za Binadamu, Usawa wa kijinsia, uwazi pamoja na uwajibikaji katika ngazi zote na ushiriki mkubwa wa jamii
Uwezeshaji watu wanaoishi na VVU/UKIMWI
Kuunda na kuimarisha kamati za kuthibiti UKIMWI ngazi zote za vijiji,kata na Wilaya ili waweze kutoa elimu kwa jamii na kuwalinda na maambukizi ya VVU/UKIMWI
Kupiga vita unyanyapaa kwa wanaoishi na VVU/UKIMWI
Kinga
Kuhamasisha matumizi sahihi ya kondomu na kusambaza kwa jamii
Kuhamasisha Unasihi na Upimaji wa hiari wa VVU(VCT)
Kutoa semina kwa jamii kuhusu maambukizi ya UKIMWI kupitia mikutano ya hadhara.
Kuhamasisha wajawazito kuhudhuria klinik mapema na kupata elimu ya kuzuia maambukizi ya VVU kutoka kwa mama kwenda kwa mtoto (PMTCT)
Elimu ya stadi za maisha , VVU na UKIMWI kwenye makundi yaliyo katika hatari zaidi ya vijana ndani nan je ya shule na wanawake (MARPS)
Elimu ya VVU na UKIMWI kwa njia ya sinema na matamasha na usambazaji wa vipeperushi na majarida kwa jamii
Kutoa elimu ya UKIMWI mahali pa kazi
Vitengo vyote hivi kwa pamoja vinafanya kazi ya kuhakikisha jamii inajikwamua na umasikini, kuleta maendeleo endelevu katika jamii na kuongeza mapambano ya kinga dhidi ya janga la VVU/UKIMWI ambao umekuwa tishio kwa jamii nzima.
