WATUMISHI KITUO CHA AFYA KYIMO WAPONGEZWA

Imewekwa Tarehe: August 29th, 2025

Katika kutambua jitihada za watumishi wa Idara ya Afya katika utoaji wa huduma bora kwa wananchi, Kituo Cha Afya Kyimo wameibuka kidedea  katika utoaji wa huduma bora za afya kwa wananchi ; Ambapo kwa  hatua hiyo  leo  tarehe 29.8.2025 timu ya Usimamizi wa huduma za Afya ya Wilaya, (CHMT)  imefika  katika Kituo hiki na kuwapongeza watumishi  kwa kazi kubwa wanazozifanya katika kutoa huduma bora kwa wananchi.

  Kwa Sasa Kituo hiki kinahudumia wananchi 50 hadi 100 kwa siku huku Wajawazito 100 hadi 150 wakijifungua kwa mwezi.

Pia Kituo hiki kumeanza kupokea Rufaa za Wajawazito kwa ajili ya Upasuaji wa dharula kutoka katika vituo vingine vya tiba na kwa wastani wajawazito 20 hadi 40 wanapata huduma ya Upasuaji kwa mwezi katika Kituo hiki.