Nyumba za nyasi kupata umeme -Dk.Kalimani

Imewekwa Tarehe: April 23rd, 2018

Waziri wa Nishati  Dr.Merdad Kalemani ametoa maagizo kwa watumishi wa TANESCO  wilaya ya Rungwe Mkoani  Mbeya alipokuwa katika ziara yake ya kutembelea miradi ya umeme vijijini,  ambapo amewataka wawasimamie  wakandarasi ili  kufanikisha zoezi la usambazaji umeme  kwa  wananchi.

Akizungumza na wanachi mbele ya mkuu wa wilaya ya Rungwe  Mh.Julius Chalya, Waziri wa Nishati Dr.Kalemani amewataka watumishi wa shirika la umeme wilayani hapa kuhakikisha wanaweka vituo kwa ajili ya kuwapatia huduma ya ulipiaji  umeme katika vijiji vyao kutokana  adha ya umbali wanayoipata  kwenda Tukuyu mjini  katika ofisi hizo.

Pamoja na hayo  Dr.Kalemani ametoa maelekezo kwa wananchi  juu ya gharama za kuingiza  huduma hiyo ya umeme  ni shilingi 27000/=.  Pia aliwasisitiza watumishi wa shirika la umeme Tanzania kwa kushirikiana na wakandarasi wa umeme REA kuhakikisha kila nyumba ya wananchi  inapata huduma ya umeme.

Aidha Waziri ameaagiza shirika la TANESCO  kuhakikisha  huduma hiyo ya umeme inapatikana hata kwa  wale ambao hawajajenga ila wanamiliki viwanja wapatiwe umeme kwa kusimika nguzo katika maeneo yao huku wakisubiri kujenga nyumba katika maeneo hayo.

Hata hivyo ikumbukwe kuwa hii ni awamu  pili ya Waziri huyu wa Nishati Dr.Merdad Kalemani kutembelea wilaya ya Rungwe tangu aingie madarakani kwa serikali ya awamu ya tano inayoongozwa na Rais wa Jamhuri ya Muungano wa Tanzania Dr. John Joseph Magufuli.