UJENZI WA KITUO CHA AFYA KIWIRA WAANZA KUKIMBIA KWA KASI

Imewekwa Tarehe: August 17th, 2022

Kufuatia Rais wa Jamhuri ya Mungano wa Tanzania Mhe. Samia Suluhu Hassan kutoa kiasi cha Shilingi Million  10 ikiwa ni sehemu ya kuunga  nguvu za wananchi Katika ujenzi wa kituo cha afya  kata ya Kiwira, ujenzi  wa jengo la wagonjwa wa  nje  (OPD)  umeanza kwa Kasi.

Kukamilika kwake kutaondoa changamoto ya kufuata huduma ya matibabu (yenye hadhi /level ya kituo cha afya) umbali mrefu hasa kwa mama na mtoto.

Mapema Mhe. Rais alifanya ziara Wilayani Rungwe tarehe 07.8.2022 ambapo pamoja na mambo mengine alitoa ahadi ya  shilingi Million 10 kwa ajili ya ujenzi wa kituo cha afya Kiwira na tayari fedha hizo zimekabidhiwa katika uongozi wa kata hiyo kwa ajili ya  utekelezaji wa mradi huo.