UJENZI WA BARABARA KYOSA KUKAMILIKA

Imewekwa Tarehe: July 4th, 2023

SERIKALI YA AWAMU YA SITA  RAHA TELE

Serikali ya awamu ya sita inaendelea na utekelezaji wa ujenzi wa Barabara kwa kiwango cha Changarawe kutoka Ibililo mpaka Kyosa kata ya Lupepo yenye umbali wa Km 10.

Barabara hiyo inayosimamia na Wakala wa Barabara Mjini na Vijijini (TARURA) awali inatarajiwa kujengwa umbali wa KM 04.

Mapema mwishoni mwa mwezi uliopita kamati ya siasa wilaya ya Rungwe inayoongozwa na Mwenyekiti wa Chama cha Mapinduzi (CCM) ndugu Mekson Mwakipunga ilizindua barabara hiyo na kuagiza ikamilike mapema kabla msimu wa mvua haujaanza.

Barabara hiyo ni muhimu na kiungo cha usafirishaji wa mazao ya kahawa, ndizi, mbao, Parachichi, maziwa na iliki kutoka kwa wakazi waishio katika miinuko ya kijiji cha Kyosa na vitongoji vyake .

Kwa sasa mara barabara hii itakapokamilika itarahisisha shughuli za uchukuzi, na kusaidia wagonjwa kuzifikia huduma za afya kwa urahisi zaidi.

Wakazi wa kijiji hiki wamefurahi barabara hii kuwafikia katika maeneo yao.

Alinanuswe  Mwakalasya ameeleza kuwa kabla ya kujengwa walilazimika kubeba wagonjwa kwa kutumia machela kutoka eneo moja hadi lingine kufuata huduma ya afya.

Musa Kajoka anasonga mbele zaidi na kueleza kuwa kwa muda  mrefu walanguzi wamekuwa wakishusha bei ya mazao ya shambani kwa kisingizio cha gharama ya usafirishaji lakini barabara hii inaenda kuondoa hiyo changamoto na hatimaye bei kupanda zaidi.

Tarura Tanzania

Ikulu Mawasiliano

Msemaji Mkuu wa Serikali

TANROADS

Ofisi ya Rais - Tamisemi