UFAFANUZI DHIDI YA SHULE YA MSINGI MABONDE

Imewekwa Tarehe: November 18th, 2023

Kupitia Ukurasa wa  instagram wa shaderoom_tz ilichapishwa taarifa dhidi ya ya shule ya Msingi Mabonde iliyopo Kata ya Msasani.e

Moja ya mambo yaliyoandikwa ikiwa ni Malalamiko ni kuwa shule hii Wanafunzi wanachangishwa michango isivyostahili, Wanafunzi wa madarasa tofauti kuchanganywa chumba kimoja wakati wa masomo, Madaftari pamoja na Majibu yasiyo na staha kwa wazazi.

Ufuatao ni ufafanuzi dhidi ya Tuhuma hizi:

Kwanza ifahamike kuwa shule haiwezi kuanzisha mchango wowote kwa wanafunzi au Wazazi bila kikao na maridhiano ya wazazi. Kikao hicho ambacho husimamiwa na Mwenyekiti wa shule ndicho chenye Mamlaka dhidi ya Maendeleo na Ustawi wa shule katika eneo husika.

Mathalani tarehe 8/2/2022 Kikao cha Wazazi kikiongozwa na Mwenyekiti wa shule kiliazimia kuwa  kila mzazi kuhakikisha anachangia chakula cha mchana kwa wanafunzi ili kuwaongezea lishe sambamba na kuongezea ufaulu katika shule hizi.

1. KUWACHANGANYA WANAFUNZI .

Wanafunzi wa darasa la III na la IV  pia darasa la IV na vII   hawachanywi pamoja wakati wa masomo.  kwani Kila darasa lina mada zake lengwa na kufuata mtaala Kama ulivyoelekeza  na WIZARA .  Wanafunzi wa  Darasa la sita wanasoma mada zao na la Saba mada zao vivyo hivyo   .

2. MICHANGO;

Shule ya msingi Mabonde haina michango ya sh 7000 kwa wiki kama ilivyochapishwa katika ukurasa . Bali kuna Mchango ambao walikubaliana wazazi kwenye kikao tarehe 27/10/2023  ambayo ni sh 1000 kwa ajili ya mitihani siku ya Jumamosi hiyo ni kwa ajili ya kuchapisha mitihani na kuidulufu na Kila mtoto hupewa   mitihani wake  kwa ajili ya kutahiniwa.

3. MADAFTARI.

Kikao kilichokaliwa tarehe 27/10/2023 cha wazazi wa darasa la VI walikubaliana kwamba ; Kila mzazi atamnunulia mwanae MADAFTARI makubwa ili kuepuka usumbufu wa kununua MADAFTARI Mara kwa Mara  hivyo wazazi wote kwa pamoja waliafiki na kuanza utekelezaji pia kutokana na walimu kukamilisha mada za darasa la sita  mapema hivyo wameanza kuwafundisha wanafunzi mada za darasa la saba kuanzia tarehe 01/11/2023 ili kuwajengea uwezo mzuri kimasomo .Hakuna mwalimu yeyote aliyemfukuza mwanafunzi kwa kutoleta  MADAFTARI MAKUBWA.

4. TUITION SHULENI.

Katika shule hii hakuna  tuition yeyote inayoendelea  SHULENI.  Bali walimu wamejipanga kwa ajili ya kuwasaidia wanafunzi wakati  wa muda wa  ziada  kuanzia asubuhi na jioni ambayo ni bure.

5. MAJIBU KWA WAZAZI.

 Katika shule hii uongozi wa shule hautoi majibu yasiyo na staha kwa Wazazi bali  hutekeleza  maazimio ya wazazi wenyewe ya kikao ambacho kilikaliwa tarehe 27/10/2023 ambacho wazazi walikubaliana kwamba mzazi ambaye atakuwa kinyume na maazimio ya kikao atachukuliwa hatua.

KWA HATUA HII: Tunaomba wazazi pamoja na wakazi wote wa Wilaya ya Rungwe kuepuka taarifa  yoyote ya kupotosha ambayo inaweza kusababisha taharuki na hivyo kuondoa mshikamano na ufaulu wa wanafunzi wetu.

.