TASAF YATOA MAFUNZO

Imewekwa Tarehe: March 2nd, 2021

Mfuko wa maendeleo ya Jamii (TASAF) umewaleta pamoja wawezeshaji  38 ngazi ya wilaya  (kutoka Kata zote)  ukilenga kutoa mafunzo elekezi juu ya kuibua miradi mbalimbali ya maendeleo yenye lengo la kutoa ajira za muda katika maeneo mbalimbali halmashauri ya wilaya ya Rungwe.

Akifungua mafunzo hayo  kwa niaba  ya Mkurugenzi halmashauri ya wilaya Rungwe, Bi. Husna Tonni ambaye pia  ni Afisa mipango wilaya , amewaomba wanufaika wa mafunzo hayo kwenda kuibua  miradi Kwa weledi mkubwa huku wakilenga miradi inayotekelezeka na yenye hitaji halisi la jamii katika eneo husika.

Aidha afisa miradi TASAF makao makuu Eng. Thadei Shirima ameainisha baadhi ya miradi  kuwa ni pamoja na elimu, afya, ustawi wa Jamii, kilimo, uvuvi, misitu,  na ufugaji.
Katika ngazi ya utekelezaji wa miradi wanufaika watapata ujira Kwa kushiriki utekelezaji wa miradi yao ikiwa ni pamoja na ujuzi ambapo upacha huo utawasaidia kuondoa umasikini na  kuwajengea maisha endelevu na yenye kipato chenye tija.