TARURA YASOMA BAJETI

Imewekwa Tarehe: May 9th, 2023

Mkutano Maalumu wa Baraza la Madiwani leo tarehe 03.5.2023 umepitisha  Rasimu ya Bajeti ya Wakala wa Barabara Vijijini na Mjini (TARURA)yenye jumla ya Shilingi Billion 7.7 kwa mwaka wa fedha 2023/24.

Bajeti hii itasaidia  uborereshaji  miundombinu ya barabara ikiwemo madaraja, ujenzi wa barabara mpya ,Ukarabati  pamoja na ufungaji wa taa .

Bajeti hii inatokana na tozo ya mafuta ya dizeli na petroli inayokatwa kwa kila lita moja ya mtumiaji , Mfuko wa jimbo na mapato ya ndani ya Halmashauri.

Katika kikao hicho Mwenyekiti wa Halmashauri ya wilaya ya Rungwe Mhe.Mpokigwa Mwankuga ameishukuru TARURA kwa kazi nzuri wanayoifanya kuhakikisha Barabara za vijijini zinapitika na hivyo kuwezesha mazao ya wakulima kufika sokoni kwa urahisi.

Ameeleza kuwa licha ya Mvua kunyesha  kwa wingi  mfululizo katika wilaya ya Rungwe na hivyo kupelekea barabara kuharibika bado TARURA wamekuwa mstari wa Mbele kuzikarabati na kuzirudisha katika ubora wake.

Mhe. Mwankuga amezitaja moja ya barabara zilizojengwa kwa mwaka huu wa fedha kuwa ni pamoja na ile ya Masukulu -Kikole- Kipande(Kyela) na Kapugi- Lyenje na Masebe - Mpata(Busokelo).

Akiwasilisha bajeti hiyo, Meneja  TARURA Wilaya ya Rungwe  Mhandisi Derick Kamala amearifu kuwa kwa mwaka wa fedha 2023/24 Serikali inatarajia kuweka tabaka jipya la lami katika barabara ya Mzunguko -TANESCO- TUKUYU Sekondari, Mzunguko -TRA na TANESCO -Bomani.

Aidha barabara ya Ibililo -Matweli pamoja na Ikuti- Mboyo itajengwa na hivyo kusaidia  wakazi wengi wanaoishi katika maeneo hayo kufanya shughuli zao za kiuchumi,  na kijamii kwa urahisi na haraka zaidi.

 Rasimu huu ya Bajeti inaendelea kwa hatua zingine za utekelezaji.

Tarura Tanzania

Renatus Mchau

Ofisi ya Rais - Tamisemi

RUNGWE YETU" Mbeya".

Rungwe Updates  

Rungwe Connection