TAARIFA KWA UMMA UFAFANUZI DHIDI YA BANGO SIKU YA MEI MOSI

Imewekwa Tarehe: May 9th, 2024

UFAFANUZI DHIDI YA BANGO LA MEI MOSI

Siku ya wafanyakazi duniani maarufu kama mei mosi mwaka huu 2024 kulikuwa na Bango lililoandikwa "Walimu tumechoka na uhamisho usiokuwa na Malipo"

Tunaomba kukiri kuwa walimu wamekuwa na madai  ya  stahiki zao mbalimbali ambazo zimekuwepo katika vipindi tofauti.

Kuanzia mwaka 2014-2017 Serikali ilifanya zoezi la Kusawazisha Ikama ya walimu katika shule mbalimbali. Aidha Walimu waliokuwa wanafundisha masomo ya sanaa katika shule za sekondari sehemu yao walihamishiwa Shule za Msingi.Pia  Walimu Wakuu waliokuwa na Elimu  ya Cheti pia walishushwa Madaraka na kuhamishiwa katika shule mbalimbali huku Waliokuwa na Elimu ya Diploma na kuendelea wakachukua nafasi hizo.

Kutokana na hilo Deni la Madai ya Uhamisho lilifikia Shilingi Million 778,847,298.

Kupitia Mfumo wa Madenimis Serikali ilihakiki deni hilo na hivyo kuanza hatua mbalimbali za Malipo.

Serikali imeendelea kulipa madeni hayo kwa Walimu katika vipindi tofauti kila mwaka .

Barua yenye kumbukumbu namba RDC/CO/ED/T20/4/VOLII/161 Iitumwa Wizara ya fedha kwa ajili ya  kukumbushia madai haya.

Hata hivyo Mkurugenzi Mtendaji Halmashauri ya Wilaya ya Rungwe  ndugu Renatus Mchau kwa kutambua mchango wa walimu katika ufundishaji na ujifunzaji kwa wanafunzi ameendelea kushughulikia madai haya kwa ukaribu sana.

Mwezi Marchi mwaka huu 2024 jumla ya shilingi million 12 zimelipwa kwa walimu katika shule mbalimbali ikiwa ni sehemu ya madai yao.

Pamoja na hayo  jumla ya shilingi millioni 79 zinatarajiwa kulipwa kwa walimu wapatao 295 ndani ya mwezi huu Mei 2024.

Kwa  sasa Mwalimu anapohamishwa  analipwa mara moja  stahiki zake zote kama  Fedha za kujikimu na kusafirisha mizigo. Wastaafu pia wamekuwa wakisafirishiwa mizigo mara utumishi wao unapotamatika.

Hivyo tunapenda kuwashukuru walimu kwa kazi nzuri wanayoifanya ambapo kwa kipindi cha miaka mitano mfululizo ufaulu umekuwa kwa zaidi ya asilimia 94% na hivyo kushika nafasi ya pili kimkoa kati ya Halmashauri 07 zinazounda mkoa wa Mbeya.

Noah Kibona

Kitengo Cha Mawasiliano Serikalini

Halmashauri ya Wilaya ya Rungwe

09.5.2024