TAARIFA KWA UMMA

Imewekwa Tarehe: January 1st, 2024

TAARIFA KWA UMMA

Kupitia Mitandao ya kijamii na Simu za Mkononi kumeibuka Matapeli wanaomba taarifa za Watumishi wa umma kwa malengo yanayokinzana na  Sheria,Taratibu na Kanuni za Serikali.

Aidha wamekuwa wakitumia jina na Mkurugenzi Mtendaji  Halmashauri ya Wilaya ya Rungwe Ndugu Renatus Mchau pamoja na Maofisa wa idara ya Utumishi Kuhalalisha uovu huo.

Kwa nyakati tofauti Matapeli wamekuwa wakiwalaghai watumishi kuwa watawasaidia kupanda Madaraja,  Uhamisho, kuwarekebishia taarifa za utumishi na wakati mwingine kuwatishia kuwa wakishindwa kutoa ushirikiano watasitisha ajira zao.

 Ofisi ya Halmashauri ya Wilaya ya Rungwe iliyopo Mkabala na Benki ya NMB imekuwa ikifuata taratibu zote kuhakikisha maslahi na Stahiki  za mtumishi pamoja ustawi wake yanalindwa kwa maendeleo ya taifa letu.

Kufikia hilo Idara ya utumishi imekuwa ikiyafanyia kazi Maslahi  na Stahiki za  watumishi wake kwa kutumia kanzi data iliyopo na wakati mwingine huwafikia watumishi katika maeneo yao ya kazi kwa lengo la kutoa elimu sambamba na upatikanaji wa taarifa sahihi za mtumishi.

Hivyo Kwa taarifa hii Watumishi wote  Mnakumbushwa kuepuka kutoa taarifa za utumishi  au eneo lako la kazi kwa mtu asiye sahihi kwani kufanya hivyo kunakinzana na Sheria pamoja na Utaratibu wa utumishi wa umma.

Noah Kibona

Kitengo Cha Mawasiliano Serikalini

Halmashauri (W)Rungwe

01.01.2024