STEND YA DALADALA KUKARABATIWA

Imewekwa Tarehe: August 25th, 2023

Halmashauri ya wilaya ya Rungwe  kwa kutumia Mapato yake ya ndani inaendelea na ukarabati wa stendi ya Mabasi Madogo iliyopo mkabala na Stendi kuu katika mji wa Tukuyu hatua itakayoboresha mazingira ya utoaji huduma ya usafiri kwa Wananchi.

Kwa mujibu wa Mpango wa Bajeti ya Mwaka wa fedha 2023/ 24 , Stendi itakarabatiwa na kuwekewa " Tofali ngumu" ( Pavements blocks) na kufungwa taa hatua itakayorahisha shughuli ya usafirishaji na biashara kwa wakazi wa wilaya ya Rungwe na Tanzania kwa ujumla.

Kwa mwaka huu pia stendi  hii itawekewa jiwe la Msingi na Mbio za Mwenge  siku ya tarehe 7.9.2023 ambapo Kimkoa utapokelewa katika kijiji cha Ikuti ukitokea Wilaya ya Ileje mkoani Songwe