RUNGWE YANG'ARA MAONESHO YA SHIMISETA

Imewekwa Tarehe: November 24th, 2022

RUNGWE YANG'ARA SHIMISEMITA

Mashindano ya Watumishi wa Mamlaka za Serikali za Mitaa (SHIMISEMITA) yamemalizika katika Manispaa ya Morogoro huku Halmashauri ya Wilaya ya Rungwe  ikifanikiwa kupata Medali za dhahabu 4 katika Mbio za mita 100, 200,400 na 800 baada ya  Mwalimu Tegemea Mbogela kutoka shule ya Msingi Madaraka iliyopo kata ya Bulyaga Tukuyu mjini kufanya vizuri katika Mbio hizo kwa kushika nafasi ya KWANZA  kwa kila Mbio na kuwaacha wengine nyuma kwa mita kadhaa.

 Aidha katika mbio za wanaume Mkimbiaji Mwalimu Lwitiko Mwasege kutoka kigugu sekondari amefanikiwa kushika nafasi ya sita katika Mbio hizo na hivyo kuipa nafasi Halmashauri kuwa katika nafasi za juu za ushindani.

Katika mshindano  hayo Halmashauri ya Wilaya ya Rungwe imepata kikombe na kushika nafasi ya pili katika mchezo wa riadha kwa Wanawake nyuma ya Halmashauri ya Kaliua ikifuatiwa na Jiji la Dar es salaam.