RUNGWE HATUPOI

Imewekwa Tarehe: September 29th, 2023

------------RUNGWE HATUPOI-----------

Kufutia wakazi wa Wilaya ya Rungwe Kupata Elimu ya Watu Wazima kupitia vituo mbalimbali  vilivyotapakaa katika kona zote sasa matunda yameanza kuonekana.

Kupitia vituo hivyo Walengwa hufundishwa kusoma na kuandika, maarifa ya nyumbani pamoja na ujuzi katika sekta ya kilimo, ufugaji na ufundi.

Leo tarehe 29.9.2023 ni kilele cha maadhimisho ya elimu ya watu Wazima ambapo kimkoa yanafanyika katika Mji mdogo wa Mbalizi Halmashauri ya Wilaya ya Mbeya.

Katika Maadhimisho haya wanufaika wanatarajia kuonesha  stadi walizojifunza kwa VITENDO hii ikiwa ni pamoja na kubadilishana uzoefu katika nyanja mbalimbali.

Serikali kupitia Mpango huu imeendelea kuwaleta pamoja watanzania ili kukuza maarifa, kutoa elimu kwa wale ambao hawakupata katika mfumo rasmi na hivyo kujiletea maendeleo kwa kutumia rasilimali zinazowazunguka.