"POLICE DAY" YAFANYIKA RUNGWE

Imewekwa Tarehe: January 20th, 2023

-ASANTE JESHI LA POLISI RUNGWE-

Ikiwa  ni siku maalumu ya Jeshi la POLISI Leo tarehe 20.01.2023 (Police day) Jeshi hilo katika Wilaya ya Rungwe limeshiriki shughuli mbalimbali za kijamii.

Katika Hospitali ya Wilaya  Tukuyu (Makandana) Jeshi limeshiriki katika shughuli za Usafi wa mazingira ikiwa ni pamoja na kutoa zawadi mbalimbali kwa wagonjwa.

Aidha limetoa zawadi kadhaa katika shule ya Msingi  Mchanganyiko -Katumba II, Shule ambayo huduma ya elimu kwa wanafunzi wenye mahitaji maalumu.

Akiongoza zoezi hilo Mkuu wa Polisi Wilaya ya Rungwe SSP Philipo Mhako ameagiza wakazi wa Wilaya ya Rungwe kushiriki zoezi la ulinzi na usalama katika maeneo yao huku akiangazia Vijana ambao ni nguvu kazi ya taifa.

Amesema Vijana wengi licha ya kutegemewa na taifa lao katika uzalishaji Mali kinyume chake wamekuwa wakijihusisha na uhalifu sambamba na jinai mbalimbali hali inayorudisha Maendeleo nchini.

Pamoja na hayo amewakumbusha wazazi kuwalinda watoto  katika vihatarishi mbalimbali na hasa katika msimu huu mvua inaendelea kunyesha ambapo mito mingi inatiririsha maji na hivyo kuhatarisha usalama wao.