NCHIMBI AHAMASISHA UZALENDO, UMOJA NA MSHIKAMO

Imewekwa Tarehe: April 18th, 2024

NCHIMBI AHAMASISHA UZALENDO, UMOJA NA MSHIKAMANO

Pichani ni Baadhi ya viongozi wa Chama na Serikali  kutoka Halmashauri ya Rungwe na Busokelo   waliohudhuria Mkutano  wa hadhara katika uwanja wa Ruanda Nzovwe  jijini Mbeya leo alasiri tarehe 17.4.2024  huku  ukivutia  maelfu ya watu.

Katibu Mkuu  wa Chama cha Mapinduzi (CCM) taifa Mhe. Dkt John Nchimbi ndiye alikuwa Mgeni Rasmi huku akisindikizwa na viongozi mbalimbali kutoka makao makuu ya chama hiki akiwemo katibu wa Uenezi Itikadi na Mafunzo Ndugu CPA Amos Makala.

Dkt Nchimbi amehamasisha wakazi wa mkoa wa Mbeya kufanya kazi kwa bidii huku wakijiepusha na vitendo vya rushwa na ubadhilifu wa mali za umma ili kuliletea taifa hili maendeleo.

Akitolea mfano wa kiongozi wa Kihabeshi kutoka nchini Ethiopia; Dkt Nchimbi amekemea baadhi ya viongozi wanaoshindwa kutenganisha mali binafsi na zile za umma huku wakiliingiza taifa hili katika umasikini huku wakijinufaisha wao wenyewe.

Aidha amewaomba kuendelea kuwa wazalendo  huku wakijiimarisha katika kusaidia jamii na taifa kwa ujumla.

" Watanzania walio wengi kwa sasa wana ukosefu wa kinga za uzalendo (UKUZA) hatua inayopelekea serikali kushindwa kutimiza malengo yake endelevu kwa wananchi" ameongeza Dkt Nchimbi.

Katika hatua nyingine amekemea migongano ya kisiasa huku akihamasisha ushirikiano kati ya vyama vya siasa na kujiepusha na siasa za chuki ambapo hatua hiyo inawanyima wananchi kushiriki katika shughuli mbalimbali za maendeleo na uzalishaji mali.