MWENGE WA UHURU WAKIMBIZWA WILAYANI RUNGWE

Imewekwa Tarehe: August 27th, 2024

Mwenge wa uhuru leo tarehe 27.8.2024 ukiwa katika kituo cha afya Kiwira umeshuhudia namna kilivyojengwa kwa viwango stahiki huku  mkimbiza Mwenge kitaifa Bwana Godfrey Mnzava akigawa vyandarua kwa wajawazito ili kujikinga na  homa maralia inayoweza kudhorotesha afya ya mama na mtoto.

Kituo kimejengwa kwa zaidi ya shilingi millioni 500 fedha iliyotolewa na na serikali ya jamuhuri ya Muungano wa Tanzania inayoongozwa na Mhe Rais Dkt Samia Suluhu Hassan.

Ikumbukwe kuwa Mhe Rais alipofanya ziara katika wilaya ya Rungwe Agost 2022 alitoa msaada wa shilingi millioni 10 kwa ajili ya ujenzi wa kituo hiki.

Mapema mwaka huu 2024 serikali yake imetoa tena kiasi cha shilingi millioni 500 kwa ajili ya ujenzi wa kituo hiki.

Aidha Halmashauri ya Rungwe kwa kutumia mapato yake ya ndani imetoa kiasi cha shilingi millioni 10 kwa ajili ya kuunga juhudi za Mhe.Rais pamoja na wananchi katika kuwaletea maendeleo wananchi.