MRADI WA PS3+ WATOA MAFUNZO KWA VIONGOZI KATA YA NDANTO

Imewekwa Tarehe: May 11th, 2022

Mafunzo ya kuwajengea uwezo Viongozi katika kata ya Ndanto yameendelea kwa wiki moja mfululizo.

Mafunzo hayo yanayotolewa na mradi wa  PS3+ Chini ya wizara ya TAMISEMI kwa ufadhili wa watu wa Marekani yamelenga kuwajengea uwezo Watendaji na Wenyeviti wa Vijiji, Walimu  wakuu na Mkuu wa  shule na kamati zake,wakuu wa vituo vya kutolea huduma za afya na kamati zake .

Kata ya ndanto ina jumla ya vijiji vinne, shule za msingi tano, sekondari ya umma moja na zahanati mbili.

Mafunzo hayo pia yameendelea pia kwa watendaji wote katika kata zote 29

Katika mafunzo hayo viongozi wamejengewa uwezo dhidi ya utawala bora ikilenga namna ya uendeshaji wa vikao, uandishi wa mihutasari ya vikao, Ushiriki wa wananchi katika kuandaa bajeti, Kusomewa mapato na Matumizi, Matumizi ya mbao za matangazo, radio za kijamii, Tovuti ya Halmashauri yakiwa kama majukwa mahususi ya kutolea taarifa za maendeleo katika maeneo yao.

Mafunzo hayo yanatarajiwa kufungwa siku ya jumamosi tarehe 13.05.2022 na baada ya hapo yataendelea katika vijiji vyote katika kata 29 kwa watendaji wa kata kutoa mafunzo wakishirikiana na Watendaji kutoka  ngazi ya Halmashauri