Mkuu wa Mkoa wa Mbeya ajitambulisha kwa Wananchi wa Rungwe

Imewekwa Tarehe: September 13th, 2018

Mkuu wa Mkoa wa Mbeya Mh.Albert Chalamila afanya Ziara katika Wilaya ya Rungwe Leo tarehe 13/09/2018. Ziara hiyo ikiwa ni ya kwanza katika Wilaya ya Rungwe tangu ateuliwe kuwa Mkuu wa Mkoa wa Mbeya na Rais wa Jamuhuri ya Muungano wa Tanzania  Mh.John Joseph Magufuri mnamo tarehe 29/07/2018.

Ziara hiyo alianza kwa kuongea na Watumishi wa Umma waliopo Makao Makuu ya Wilaya ya Rungwe,mkutano huo ulifanyika katika Ukumbi wa Halmashauri ya Wilaya ya Rungwe Tukuyu mjini. Baada ya kumaliza mkutano huo na Mkuu wa Mkoa na viongozi wa ngazi mbalimbali wa Wilaya walienda kukagua mradi wa ujenzi na ukarabati wa Chuo cha Ualimu Mpuguso, mradi huo umegharimu kiasi cha tsh.bilioni 9.6.

Aidha baada ya kumaliza ukaguzi huo Mkuu wa Mkoa wa Mbeya alifanya mkutano wa hadhara na Wananchi katika Uwanja wa Tandale uliopo Tukuyu mjini ambapo katika mkutano alijtambulisha na kuwasisitiza kila mmoja anapaswa kuwajibika vema katika nafasi yake. Aidha Mkuu wa Mkoa wa Mbeya aliwasihi wananchi kufikisha malalamiko,kero,maswali na mahitaji katika ofisi za umma ikiwa ni pamoja na Ofisi yake.

Mkuu wa Mkoa wa Mbeya akiwa katika mkutano huo aliwataka na kuwaomba Wananchi wawe wanajitokeza katika mkutano hiyo ili kutoa taarifa,malalamiko,maoni ,maswali ili kupata majibu sahihi kutoka kwake.

 Mkuu wa Mkoa wa Mbeya alisisitiza Wananchi kuwa na ushirikiano na viongozi katika kujenga na kuleta maendeleo katika  Wilaya ya Rungwe.