MAWASILINO YA KAPUGI -LYENJE YAKATIKA

Imewekwa Tarehe: April 16th, 2024

MAWASILIANO  KATI YA  KAPUGI - LYENJE IKUTI  YAKATIKA

Kufuatia Mvua zinazoendelea kunyesha; Barabara ya Kapugi-Lyenje Ikuti  kupitia Mto Kiwira imekatika na hivyo kuondoa Mawasiliano kati ya Vijiji hivi Viwili.

Leo tarehe 16.4.2024 Mkuu wa Wilaya ya Rungwe Mhe.Jaffar Haniu amefika katika eneo la tukio  na kukagua madhara yaliyojitokeza huku  kupitia vyombo vya Habari akiomba wakazi wa Wilaya ya Rungwe kuendelea kuchukua tahadhari dhidi majanga  haya katika kipindi hiki ambacho mvua inaendelea kunyesha nchi nzima.

Aidha ametoa maelekezo kwa wakazi wa kata ya Ikuti na Malindo kusitisha Matumizi ya Barabara ya Tukuyu-Kapugi-Ikuti na badala yake waendelee kutumia barabara ya Kyimo- Iponjola-Ikuti kwa ajili ya shughuli za usafirishaji wa watu na mali zao.

Pia ametahadharisha wakazi wote wanaoishi katika maeneo hatarishi kuchukua tahadhari  ili kujiepusha na maafa yanayoweza kujitokeza na hatimae kuchukua uhai wa watu na mali zao.

Mpaka sasa hakuna madhara yaliyojitokeza katika maporomoko haya zaidi ya  barabara na Mashamba kumeguka na kujaza matope na miamba  katika mto Kiwira.