MAFUNZO KWA WASIMAMIZI WASAIDIZI WA UCHAGUZI NGAZI YA KATA YAFUNGULIWA

Imewekwa Tarehe: August 7th, 2020

Mafunzo  kwa wasimamizi wasaidizi wa uchaguzi ngazi ya kata yamefanyika leo katika halmashauri ya wilaya ya Rungwe.

Akifungua mafunzo hayo Msimamizi wa Uchaguzi jimbo la Rungwe Bibi Husna Tonni amewaomba wasimamizi hao kujiamini na kujitambua kwa kuzingatia katiba ya nchi, sheria za uchaguzi na kanuni zake ikiwa ni pamoja na kufuata maadili ya uchaguzi na maelekezo mbalimbali yanayotolewa na tume.

Mafunzo hayo yanayojumuisha watendaji wa kata na waratibu wa elimu yanatarajiwa kufanyika kwa muda wa siku tatu ambapo pamoja na mambo mengine wasimamizi hao watatakiwa kujifunza namna na ya kuyambua vyema maeneo wanayofanyia kazi ikiwemo miundombinu ya kufika katika kata na vituo vya kupigia kura.