MAELEKEZO YA KUPOKEA WANAFUNZI WA KIDATO CHA SITA JUNE MOSI 2020

Imewekwa Tarehe: May 29th, 2020

Shule za sekondari kwa kidato cha sita nchini zinafunguliwa kuanzia tarehe 1 june,2020.

Mwalimu Abel Ntupwa ni afisa elimu Sekondari  halmashauri ya wilaya ya Rungwe mkoani Mbeya   na ametoa maelekezo yafuatayo.

1. Wanafunzi watatakiwa kuripoti shuleni kuanzia tarehe 30 mwezi mei bila masharti yeyote.

2.Wanafunzi watatakiwa kuepuka misongamano ikiwa ni pamoja na kutoshirikiana vyombo vya chakula, nguo nakadharika.

3. Wanafunzi watatakiwa kufanya mazoezi mara kwa mara angalau  dakika 30 kila siku.

4.kila Shule iandae maeneo ya kunawa hasa madarasani, bwaloni, maabara na bwenini kwa kuweka vitakasa mikono na maji tiririka.

5. Wazazi wasipange ratiba ya kwenda kuwaona wanafunzi shuleni.

6.Endapo mgonjwa atagundulika uongozi wa shule uwasiliane na kituo cha afya kilicho jirani au ofisi ya Mkurugenzi wilaya.

7. Masaa mawili yameongezwa kutoka muda uliozoeleka wa kufundisha wanafunzi darasani ili kufidia muda uliopotea hapo awali.

8. Walimu na Wanafunzi waepuke kuzurura kwani kufanya hivyo wanaweza kuletea maambukizi shuleni.

9 Kila shule iondoe hofu kwa wanafunzi kwa kuwapa ushauri nasihi kila mara inapowezekana.Halmashauri ya wilaya ya Rungwe ina shule zenye watahiniwa wa kidato cha sita ikiwemo shule ya sekondari Kayuki, Rungwe, Tukuyu, Isongole, God's Bridge, Lubala pamoja na Lutengano.