MAADHIMISHO YA SIKU YA ELIMU YAFANYIKA

Imewekwa Tarehe: July 3rd, 2024

Maadhimisho ya  siku ya elimu  yamefanyika leo tarehe 3.7.2024  katika Ukumbi wa land mark Tukuyu Mjini wilayani Rungwe lengo likiwa ni  kupongezana na  kukumbushana majukumu mbalimbali ya utoaji wa elimu katika  shule za  Msingi na Sekondari.

Maadhimisho haya yamekuja huku ufaulu ukizidi kupaa juu ambapo mwaka 2023  ufaulu   Mtihani wa Kuhitimu elimu ya Msingi ulikuwa asilimia 94.7% na  Sekondari kidato cha pili 90.5%  nne 95.9 % na kidato cha sita 99%

Shule zilizofanya vizuri kwa  upande wa Msingi ni pamoja na Kiwira, God's Bridge, Goje,  Bagamoyo, Magereza,  Kells, na Nuru.

Kwa Upande wa  Sekondari ni Rungwe, Kayuki, Bulyaga, Tukuyu, Lubala,  Gods  Bridge Joy Girls, na  St Almano

Katika maadhimisho haya zawadi mbalimbali zimetolewa kwa walimu, wanafunzi pamoja na wadau mbalimbali wa  elimu.

Zawadi hizo ni pamoja  na vyeti, Fedha taslimu na ngao.

Makundi yaliyopata zawadi ni wanafunzi waliofanya vizuri katika mitihani yao, Walimu waliofaulisha vema katika masomo yao, shule bora katika utunzaji wa  mazingira, na wadau waliochangia ufanikishaji wa siku hii muhimu.