KITUO CHA AFYA NDANTO CHAKAMILIKA

Imewekwa Tarehe: June 17th, 2022

Halmashauri ya Wilaya ya Rungwe imekamilisha ujenzi wa kituo cha afya katika kata ya Ndanto, Mradi uliogharimu kiasi cha shilingi millioni 250 fedha zilizotolewa na serikali ikiwa ni sehemu ya tozo ya miamala ya simu.

Mradi huu unatarajiwa kuvinufaisha vijiji vya Nzunda , Goye, Ndaga, na Ntokela vinavyounda kata hii ambapo wakazi wa kata hii wamekuwa wakitumia umbali mrefu kufuata matibabu katika Hospitali ya Igogwe na Makandana.

Katika kupanua huduma ya matibabu Serikali imetoa tena  mapema mwezi huu june shilingi millioni 250  kwa ajili ya ujenzi wa majengo mengine mapya ambapo mradi wote utagharimu shillingi millioni 500 mpaka kukamilika kwake.Majengo mengine yataanza kujengwa hivi karibuni baada ya taratibu kukamilika.