DAS -KIUMWA ATOA NENO KIKAO CHA LISHE

Imewekwa Tarehe: March 13th, 2024

Katibu Tawala Wilaya ya Rungwe Bwana Ally Said Kiumwa amewakumbusha Wazazi kuendelea kuchangia chakula cha Mchana kwa Wanafunzi wa Shule za Msingi na Sekondari ikiwa ni mbinu sahihi ya kuondoa udumavu na Utapiamlo  sambamba na kuongeza kiwango cha ufaulu kwa wanafunzi

Hayo ameyaeleza wakati wa kikao cha Tathmini ya Mkataba wa Lishe kilichoketi leo mapema tarehe 13.3.2024 katika ukumbi wa Halmashauri Mwankeja.

Amesema adhima ya Serikali ni kuhakikisha watu wake wanapata lishe bora ili kuwangea afya bora hatua itakayosaidia kujihusisha katika shughuli mbalimbali za uzalishaji mali.

Hivyo kama watoto watapata Lishe bora ni wazi Taifa litakuwa na watu wenye uelewa mzuri wa kutumia rasilimali zinazowazunguka.

Tathmini hii ambayo pia hujumuisha watendaji wa kata , imeagizwa kuwa kila mzazi ahakikishe kwa ngazi ya kaya anazalisha chakula chenye tija kwa afya ya binadamu, kusimamia unyonyeshaji kwa watoto na kuwachukulia hatua wazazi wote wanaokaidi uchangiaji wa chakula cha Mchana kwa wanafunzi.

Mpaka sasa shule nyingi zimeanza kutoa chakula kwa asilimia 100% Mkazo ukiwa ni kuhakikisha zoezi hili linakuwa endelevu.