KIKAO CHA BARAZA LA KAZI

Imewekwa Tarehe: April 29th, 2020

Kikao cha baraza la kazi kimefanyika leo katika ukumbi wa chuo cha Ualimu Tukuyu kikiwakutanisha Waheshimiwa madiwani, Wataalamu kutoka halmashauri ya wilaya ya Rungwe pamoja na watendaji wa kata zote zilizopo katika halmashauri hiyo.

Kikao kilianza kwa wajumbe wote kunawa  kwa sabuni na maji tiririka na kisha  wajumbe waliketi  kwa umbali wa zaidi ya mita moja ikiwa ni juhudi za kupambana na maambukizi ya COVID 19- CORONA.

Katika kikao hicho mengi yalijadiliwa lakini kubwa zaidi ilikuwa ni kupitia mapato ya ndani ya halmashauri ya wilaya ya Rungwe ambapo ilitajwa kuwa   mapato yamekuwa yakipanda kutokana na juhudi kubwa za watendaji wa serkali.

Akishukuru hatua hiyo diwani wa kata ya Isongole  mh. Laurance Mfwango (CCM) aliwashukuru watendaji wa  serikali kwa juhudi zao kubwa ambazo wamekuwa wakizielekeza katika kukusanya mapato ya serikali.

 Hata hivyo mwenyekiti wa halmshauri ya wilaya ya Rungwe Mhe. Ezekiel Mwakota aliiomba kata ya Matwebe iliyopo tarafa ya Pakati kuendelea kuboresha mapato yake kwa kusimamia vyanzo vyake kwani kwa muda mrefu Imekuwa nyuma katika kukusanya mapato.

 Pamoja na hayo mkurugenzi mtendaji halmashauri ya wilaya ya Rungwe bibi Loema Peter aliwaomba madiwani kuendelea kuwasimamia watendaji waliopo katika meneo yao kuhakikisha wanakusanya mapato pamoja na utawala bora kwani walio wengi wamekuwa wazembe  na hivyo kupunguza kasi ya halmashauri kuwahudumia wananchi kwa kukosa fedha.