KATIBU MKUU ATEMBELEA KIWANDA CHA CHAI

Imewekwa Tarehe: July 23rd, 2020

Katibu Mkuu wizara ya Kilimo Bwana Gerald Kusaya(Mwenye suti katikati) ametembelea halmashauri ya wilaya ya Rungwe Mkoani Mbeya huku akiwashukuru Umoja wa wakulima wadogowadogo wa Chai (RUBUTCO-JE) kwa kuendelea kuwasaidia wakulima  kwa kuwakopesha mitaji kwa kutumia RSTGA SACCOS, Kuwapatia mizinga ya nyuki, na kuanzisha kituo cha Radio kwa ajili ya kutoa elimu kwa wakulima juu ya kilimo bora cha chai.

Hata hivyo bwana Kusaya amekitaka kiwanda cha Chai cha Mohamed Enteprises mpaka tarehe 30 mwezi huu kiwe kimempatia taarifa kikieleza:

1.Mikakati ya kuendeleza zao la chai.

2.Waeleze eneo lililopandwa chai

3. Mkakati wa kufufua kiwanda cha chai Msekela na Chivanje

Kiwanda hiki kimefungwa tangu april mwaka huu huku kikiwaacha wakulima wa wilaya ya Rungwe zaidi ya 1200 wakikosa ajira na kukosa soko la kuuuzia chai yao.