KAMATI YA MARIDHIANO NA AMANI TAIFA YAFANYA ZIARA RUNGWE

Imewekwa Tarehe: March 5th, 2024

Mwenyekiti wa Kamati ya Maridhiano na Amani Tanzania Dkt Alhad Juma Salum amefanya ziara katika Wilaya ya Rungwe  ambapo pamoja na mambo mengine amehamasisha zoezi la Upandaji miti pamoja na uchangiaji damu kwa wagonjwa

Zoezi hili linafanyika nchi nzima na  kilele chake kitakuwa kesho tarehe 6.3.2024  katika jiji la Mbeya.

Katika Mkoa Mbeya jumla ya miti 2400 imepandwa na jumuiya hii  katika  Halmashauri saba (7) huku Halmashauri ya Rungwe pekee ikipanda jumla ya miti 750.

Dkt Salum amewahamasisha Wakazi wa wilaya ya Rungwe kuendelea kuchangia damu, kwani damu haichagui dini na wala mhudumu wa afya haulizi dini ya mtu kabla ya kutoa msaada wa  damu ya ziada.

Aidha amewakumbusha Watanzania kuendelea kuheshimiana, kuvumiliana  na kulinda amani iliyopo kwani kufanya hivyo kutasaidia  kuleta utulivu na maendeleo katika jamii.