KAMATI YA BUNGE YARIDHISHWA NA MRADI WA RUNGWE SEKONDARI

Imewekwa Tarehe: March 22nd, 2022

Mwenyekiti wa kamati ya Kudumu ya Bunge ya ukaguzi wa Serikali za Mitaa Mhe. Boniface Butondo (MB) ameiongoza leo tarehe 22.03.2022  kamati yake  kukagua mradi wa ujenzi na ukarabati wa Shule ya Wavulana Rungwe.

Katika ukaguzi huo kamati hiyo imepongeza  na kuridhishwa na hatua nzuri iliyofikiwa katika mradi huo na kuwa sasa wanafunzi watapata fursa nzuri ya kusoma kwa bidii na  na kupata mafanikio makubwa.

Ukarabati wa shule hii kongwe nchini (1961) ulianza mapema mwaka  2020 na mpaka sasa umekalika na kuanza kutumika.

Mradi huu umegharimu kiasi cha shilingi Million 752 ambapo imejumuisha ujenzi  na ukarabati wa vyumba vya madarasa na mabweni pamoja na jengo la utawala. 

Fedha zimetolewa na Serikali Kuu.

Mbele ya wanafunzi, kamati hiyo imewaagiza wanafunzi kutunza miundombinu ya shule hiyo na kuhakikisha wanailinda ikiwa ni hatua nzuri ya kuhakikisha juhudi zilizofanywa na serikali ya awamu ya sita  dhidi yao wanazithamini.

Shule ya Sekondari Rungwe hudahili wanafunzi wa kidato cha tano na sita tu kwa tahasusi ya HGL, HKL, HGK, PCM, PCB, CBG, HGE na EGM na ina wanafunzi zaidi ya 400.