KYOBO KITUO BORA CHA KAZI

Imewekwa Tarehe: May 8th, 2023

KYOBO KITUO BORA CHA KAZI

Katika kuboresha makazi ya watumishi wake, serikali imetoa kiasi cha  shilingi Million 114 kwa ajili ya ujenzi wa nyumba mbili za walimu katika shule ya sekondari KYOBO iliyopo kata ya Ikuti.

Shule hii yenye kidato cha kwanza na pili ipo takribani KM 10 kutoka Ikuti makao makuu ya Kata.

Nyumba hizi zitakapokamilika zitakuwa na uwezo wa kuhudumia familia nne.

Aidha kijiji cha KYOBO  kimepokea  fedha kwa ajili ya ukamilishaji wa nyumba ya mtumishi wa afya katika  Zahanati ya kijiji hicho.

Pamoja na kufikishiwa Mradi wa umeme na maji, kijiji cha Kyobo kimejengewa barabara yenye urefu wa KM 07  na Wakala wa barabara Mjini na Vijijini (TARURA) kutoka Kijiji cha Ibungu mpaka Zahanati ya Kyobo/ Kyobo sekondari na Shule ya Msingi.

Kijiji cha Kyobo ni maarufu kwa kilimo cha Iliki, Kahawa ,  Nanasi, Mbao na Ndizi.