FURAHIA UKIWA RUNGWE: KARIBU TENA

Imewekwa Tarehe: April 23rd, 2023

UKIFIKA RUNGWE   USISAHAU KUFIKA ENEO TULIVU ZAIDI

Ukifika Isongole fishing camp iliyopo kijiji cha Unyamwanga  kata ya Isongole ni moja ya maeneo yenye mvuto wa pekee.

Eneo hili linalomilikiwa na Halmashauri ya wilaya ya Rungwe kwa sasa limepata mwekezaji hatua iliyoboresha mandhari na mwonekano wa kambi hiyo ya wavuvi iliyojengwa mwanzoni mwa miaka ya 1900.

Mkurugenzi Mtendaji Halmashauri ya wilaya ya Rungwe Bwana Renatus Mchau  ametoa maelekezo kwa mwekezaji wa eneo hilo kukamilisha kwa wakati upanuzi wa eneo hilo ili wakazi wa wilaya ya Rungwe na Tanzania kwa ujumla  waanze kunufaika na uwekezaji kwa kupata chakula, malazi, kupiga picha, na uvuvi.

Hatua hizi pia itawezesha ukusanyaji wa mapato ya Halmashauri.

Awali katika eneo hili yalikuwa makutano ya watawala wa Kijerumani kutoka kona zote za  maeneo ya Rungwe na Mbeya  mjini kwa ajili ya Shughuli za starehe hasa mwishoni wa juma.

Isongole fishing camp(IFC) ipo umbali wa takribani km 7 kutoka Idweli (Namba one)  na inapatikana kando ya mto Kiwira.