ELIMU YA UTUNZAJI VYANZO VYA MAJI YAHAMIA KIWIRA

Imewekwa Tarehe: May 31st, 2025

Watalamu kutoka Bodi ya Maji Bonde la ziwa Nyasa @lakenyasabasin  kwa kushirikiana na @halmashauri_ya_rungwe__mbeya wameendelea a zoezi la utoaji elimu dhidi ya utunzaji wa vyanzo vya maji katika maeneo mbalimbali

Leo Jumamosi tarehe 31.5.2025 imekuwa zamu ya kijiji cha Ibula kata ya Kiwira ambapo kupitia chanzo cha maji Katondo wananchi wamekumbushwa kuto fanya shughuli yoyote ya kibinadamu katika chanzo hiki ili kusaidia upatikanaji wa maji sambamba na usambazaji kuelekea kijiji cha Isaka kata ya Nkunga.

Wananchi wameelezwa kuwa kulima, kujenga makazi , kukata miti au kuchunga mifugo kando ya eneo la hifadhi ya chanzo hiki (Mita 60) kutadhofisha upatikanaji maji safi na salama  sambamba na mazalia salama ya viumbe hai.

Chanzo cha maji Katondo kipo  Magharibi kutoka  shule ya Msingi Kibumbe ambayo imejengwa na kuzinduliwa na Mbio za Mwenge  mwaka 2023

Uongozi wa Bodi ya Bonde la ziwa Nyasa utaanza zoezi la kuweka alama ( Vigingi ) hivi karibuni baada  ya zoezi la kuwajengea  uelewa wananchi kukamilika leo ambapo mamia ya watu wamejitokeza.

Chanzo cha maji Katondo kimekuwa tegemeo kwa wakazi wa ukanda wa chini wa kibumbe ambapo kwa kutumia nguvu za wananchi wamejenga banio kwa ajili ya kuanza usambazaji  maji kuelekea katika kaya zao pamoja na kijiji cha Isaka ambacho tayari kinapata maji kupitia mradi wa maji Isaka ambao umekamilishwa na wakala wa maji  vijijini (RUWASA)

l