DC HANIU ATOA NENO IBADA YA LEO

Imewekwa Tarehe: June 23rd, 2024

Mkuu wa Wilaya ya Rungwe Mhe. Jaffar Haniu  leo Jumapili 23.6.2024 ameshiriki Zoezi la Kumsimika Askofu Mkuu wa Kanisa la Church of God Mchungaji Jaili Wilson Kasekwa.

Zoezi limefanyika katika kanisa hili  lililopo Mwambenja Katumba Kata ya Ibighi.

Mhe.Haniu ambaye alimwakilisha Mkuu wa Mkoa wa Mbeya Juma Zuber Homera ameshukuru kwa tendo hilo kwani kufanya hivyo inadumisha umoja na mshikamano miongoni mwa waumini sambamba na amani na utulivu nchini.

Aidha Mhe.Haniu amewakumbusha wakazi wa wilaya ya Rungwe kuendelea kutunza amani na utulivu katika  jamii zao huku wakiachana na Mila potofu ambazo zimeibua migogoro mbalimbali ikiwemo mauaji yanayotokana na kushindwa kuvumiliana miongoni mwao.

Amesema Migogoro ya ardhi iliyopo inatokana na wazazi kushindwa kuandika Wosia ambao ungetoa ramani bora ya mgawanyo wa mali za familia.

Hata hivyo amelishukuru kanisa kwa kuendelea kukemea vitendo hivyo huku likitoa elimu dhidi ya maarifa mbalimbali sambamba na ustawi wa jamii.

Hafla hii pia imeshuhudiwa na viongozi wa dini kutoka taifa la India, Marekani, Brazil, Kenya na Zambia.