DC HANIU ASHIRIKI ZOEZI LA UPIMAJI AFYA

Imewekwa Tarehe: May 16th, 2024

DC HANIU ASHIRIKI ZOEZI LA UPIMAJI AFYA MAKANDANA

Mkuu wa wilaya ya Rungwe Mhe Jaffar Haniu ameshiriki zoezi la upimaji wa afya katika Hospitali ya wilaya Tukuyu Makandana.

Mhe.Haniu amefanya hivyo ikiwa ni sehemu ya Uhamasishaji wa wakazi wa Wilaya ya Rungwe  kupima afya zao kufuatia uwepo wa Madaktari Bingwa waliopo katika hospitali hii.

 Wataalamu hawa wa afya maarufu kama Madaktari  Bingwa wa Mama Samia wameendelea na zoezi hili ambalo litadumu kwa siku tano na limeanza siku ya jumatatu mpaka ijumaa tarehe 17.5.2024

Mhe Haniu amempongeza  Mhe Rais Samia Suluhu Hassan na Wizara ya afya kwa ujumla kwa uamuzi huu mzuri kwani kufanya hivyo imewapunguzia wagonjwa kufuata huduma hii muhimu katika Hosptali ya Taifa Muhimbili na hivyo kutumia gharama kubwa.

Amesema wananchi katika wilaya nzima wanatakiwa kuchangamkia fursa hii adimu kwa  ustawi bora wa maisha ya binadamu.

Kwa upande wa wananchi wameishukuru serikali kwa msaada huu uliotolewa.

Ndimbuni Kaburi Mkazi wa Kyimo ameifurahia huduma hii na kuwa amepata matibabu mazuri ikiwa ni pamoja na upasuaji.

Naye Haruna Asumwisye mkazi wa kata ya Lufingo ameipongeza serikali ya awamu ya sita kwa kuwaleta watalamu hawa huku akiomba siku ziongezwe ili kukidhi hitaji la wagonjwa wengi.

Kwa upande wake Mganga mkuu Halmashauri ya wilaya ya Rungwe Dkt Diocles Ngaiza ametoa pongezi kwa serikali kwani  ujio wa Madaktari Bingwa pi umesaidia kuongeza utalamu kwa wadumu wa afya katika hosptali yake na hivyo kujipatia ujuzi na maarifa mbalimbali ya kutibu wagonjwa.