DC AHANI MSIBA NA KUHAMASISHA JAMII KUCHANGIA MAENDELEO

Imewekwa Tarehe: July 22nd, 2020

Mkuu wa wilaya ya Rungwe mhe. Nyangidu Julius Chalya amehani msiba katika kijji cha Goye kata Ndanto ambapo pamoja na mambo mengine mzee Lazaro  Chaula (mfiwa) ameshukuru serikali kuwa karibu na watu wake kwani kwa kufanya hivyo inaleta mshikamano na ukaribu na watu wake.

Awali akihutubia mkutano wa hadhara katika viwanja vya shule ya Msingi Isyonje Mhe. Chalya amewaomba wakazi wa kijiji hicho kuendelea kujitolea michango ya ujenzi wa shule hiyo kwani kwa kufanya hivyo  shilingi million 20 zilizotolewa na Mhe. Rais zitafanikisha ujenzi wa madarasa ya shule hiyo.

Akitoa takwimu Mhe. Chalya amesema kuwa katika kufanikisha ujenzi huo Shamba la miti  Kiwira limetoa mbao, mchanga pamoja na madawati darasa moja huku ofisi ya Mkurugenzi halmashauri ya Wilaya ya Rungwe ikitoa mifuko ya saruji na mawe ili kukamilisha ujenzi huo. 

Wananchi watachangia Million 5 pamoja na nguvu kazi tu.Ujenzi wa vyumba viwili vya madarasa umeanza na unatarajiwa kuisha hivi karibuni.