BLAC MAENDELEO YAHITIMISHA MAFUNZO KWA WAKAZI WA WILAYA YA RUNGWE

Imewekwa Tarehe: May 2nd, 2025

Shirika lisilo la Kiserikali la BLAC Maendeleo Kwa Kushirikiana na Master Card Foundation  kupitia Mradi wa AIM (Accerelating Impact for young  Women and Aidolescent Girls) wamehitimisha Mafunzo yao kwa Wahitimu 1500 kutoka katika kata Nne ndani ya Halmashauri ya Rungwe

Kata hizo ni pamoja na Mpuguso, Ilima, Msasani na Makandana

Wahitimu wamepewa vyeti ikiwa ni ishara ya kutambua ushiriki wao

Mradi Umelenga Kumwezesha Mwanamke  kijana kuweza kujipatia kipato na hivyo kuepukana na hali ya utegemezi katika jamii.

Pia mradi umetoa mafunzo kwa vijana wa kiume ili kuleta usawa katika jamii.

Shirika hili lililoanza kutoa huduma yake kwa jamii toka mwaka 2024 limejijengea heshima kwa kutoa elimu ya ujarisiliamali kwa Wanawake na vijana, Ufugaji, Kilimo, Ufundi Stadi, Elimu ya Matumizi ya fedha na Mchanganuo wa Biashara.

Kupitia Elimu hii Wanawake wengi wamejikwamua katika Makucha ya Umasikini na hivyo kujipatia maeneo endelevu.

Haya yamethibishwa na Anana Kajela mkazi wa Makandana ambaye kutokana na elimu ya Biashara aliyopata amebahatika kuanziasha duka, Mgahawa na Ufugaji wa Nguruwe.

Naye Bi Anastazia Amanyisye Mkazi wa kata ya Ilima ameishukuru taasisi hii kwani alipoanza kupata mafunzo imemsaidia kupata uelewa dhidi ya Matumizi ya pesa hatua iliyomsaidia kuwa na bajeti nzuri ndani ya kaya yake

Nao Wanafunzi kutoka katika Shule ya sekondari Ilima wakiimba wimbo wao walishukuru shirika kwa kuwapa elimu balehe, kupambana na vitendo vya ukatili sambamba na namna ya kushiriki shughuli za uzalishaji mali shuleni na nyumbani.

Aidha Bi Agatha Mwega Meneja Mradi wa Blac Maendeleo ametaja kuwa  Mradi umefanikiwa kuwezesha kiuchumi Wanawake 341 katika sekta zifuatazo

Kilimo 90

Ufugaji 97

Ufundi Stadi  30

Biashara ndondogo  124

Bi Agatha ameyataja Mafanikio yaliyopatikana ndani ya Mwaka mmoja kuwa ni pamoja Kufingua Clup space 12 ambazo zimesaidia wanawake na vijana balehe kujengeana uwezo na uelewa wa mambo mbalimbali ya uchumi na ustawi wa jamii

Aidha Kamati ya Maendeleo ya vijana (YDC) imeanzishwa kwa kushirikiana kwa kushirikiana na watendaji wa vijiji ambapo kuibua na kuwasaidia vijana katika changamoto mbalimbali.

Wanufaika wqmefundishwa kwa kutumia mtaala maalumu dhidi ya :

✓Namna bora ya kuishi na jamii na kuchagua marafiki wazuri

✓Namna bora na Sahihi ya kutunza fedha na kuwa na mchanganuo wa biashara

✓Namna sahihi ya kuibua na kupinga vitendo vya kikatili na kuripoti katika mamlaka husika ili kuvitokomeza

Village Saving Loan Associaon (VSLA) Ambvyo ni vikundi vya kuweka akiba na  kukopeshana 17 vimeanzishwa na kubahatika kufikisha mtaji wa shilingi Million 6,312,000/=

Mradi pia umesaidia kuwaunganisha  Wanufaika wa wafunzo na  watalamu wa sekta ya kilimo, Mifugo na Maendeleo ya jamii ili kuwapa usaidizi katika shughuli mbalimbali za uzalishaji mali.