Baraza la kazi limeketi leo

Imewekwa Tarehe: February 18th, 2021

Baraza la madiwani la kazi limeketi leo katika ukumbi wa halmashauri - MWANKENJA. Pamoja na mambo mengine watendaji wa Kata, na vijiji wamehimizwa  kuitisha vikao na mikutano Mara Kwa Mara ili kuwapa fursa wananchi kujua miradi  mbalimbali inayotekelezwa na serikali hii ikiwa ni pamoja  na kutoa maelekezo mbalimbali inayotolewa na serikali.
" Vikao ni jukwaa la mijadala na kujengeana ufahamu ambapo viongozi hutoa maelekezo ya serikali na wananchi kutoa kero zao na kutatuliwa Mara moja" amesisitiza Mwenyekiti wa halmashauri ya wilaya ya Rungwe Mhe. Mpokigwa Mwankuga.
Aidha imearifiwa kuwa wananchi wanatakiwa kuwa na vyoo bora ili kujiepusha na magonjwa ya mlipuko ambapo afisa Mazingira na Usafi halmashauri ya wilaya ya Rungwe Bwana Salumu Kilanga ametoa sifa za choo bora kuwa ni pamoja na:
1. Kuwa na sakafu imara ili kuruhusu kusafisha Kwa urahisi.
2. Paa  lisiloruhusu kuvuja
3. Mlango  imara unaofungwa na kufunguliwa ili kuepusha wadudu kuingia na kutoka nje ya choo.
4. Maji Kwa ajili ya usafi ndani ya choo.
5.Kuta zijengwe Kwa tofari ili kuongeza uimara.