BARAZA LA WAFANYAKAZI LAJADILI RASIMU YA BAJETI KWA MWAKA WA FEDHA 2025/2026

Imewekwa Tarehe: January 16th, 2025

Baraza la Wafanyakazi katika Halmashauri ya Rungwe limeketi leo tarehe 16.1.2025 likijadidili rasimu ya bajeti kwa mwaka wa fedha 2025/ 2026

Baraza hili hujumuisha viongozi mbalimbali kutoka vyama vya wafanyakazi  pamoja na watalamu mbalimbali

Baraza pamoja na mambo mengine limeshukuru mafanikio yaliyofikiwa kwa mwaka wa fedha 2024/ 25.

Mafanikio hayo ni pamoja na  kupandisha vyeo jumla ya watumishi 851 huku watumishi 179 wakipata ajira katika Halmashauri

✓Upatikanaji wa dawa na vitendanishi umefikia mpaka asilimia 95% katika vituo vyote vya kutolea huduma

✓Aidha jumla ya vituo 03  vya vya afya (Kinyala, Iponjola na Ndanto) Vimefunguliwa na hivyo kufikisha vituo 09 huku kituo cha Kiwira, Masoko, Malindo na Masebe ujenzi wake ukiendelea.

✓Halmashauri imefungua shule Mpya mbili za sekondari (Lupepo na Isaka)  pamoja na tatu za msingi (Umoja, Ushirika na Chifu Mwanjali)

✓Pia imefanikiwa kujenga mabweni mawili katika shule ya sekondari Kisondela , Moja katika shule ya Lupoto , Rungwe , Tukuyu na Masukulu.

✓Ufaulu kwa darasa la saba  umeongezeka kutoka aasilimia 93.2% mwaka 2022 mpaka asilimia 95.5% mwaka 2023

-Kidato cha nne kutoka asilimia 94% mwaka 2022 mpaka asilimia 95% mwaka 2023

-Kidato cha sita kutoka asilimia 99.09% mwaka 2022 mpaka asilimia 100 mwaka 2023.

✓Halmashauri imeweza kukusanya Mapato ya ndani  kiasi cha shilingi 7,427,096,607.30 sawa na asilimia 103 ya makisio yaliyowekwa ya shilingi 7,179,615,400.00