SOKO LA KIWIRA UJENZI WAKE KUANZA

Imewekwa Tarehe: June 30th, 2025

SOKO LA NDIZI LA  KISASA  KUJENGWA KIWIRA

Noah Kibona, RUNGWEDC

Zabuni ya ujenzi wa soko la ndizi la kisasa tayari imetangazwa kupitia mifumo ya Manunuzi (NesT) pia  inapatikana katika tovuti ya www.rungwedc.go.tz

Soko hili linajengwa eneo la Karasha kijiji cha Mpandapanda kata ya Kiwira

Ujenzi wa soko hili pamoja na mambo mengine itaongeza thamani ya zao  hili la chakula na biashara kwa wakazi wa wilaya ya Rungwe

Aidha litaboresha bei ya ndizi pamoja na ukusanyaji wa mapato ya serikali

Kwa mwaka wa fedha 2024/25 Halmashauri ya wilaya ya Rungwe imezalisha kiasi cha tani  729,092.80 za ndizi hatua iliyofungua masoko nje na ndani ya nchi

Soko hili sasa kitakuwa kitovu cha upatikanaji wa ndizi na hivyo kuepusha wafanyabiashara wasiowaaminifu ambao wamekuwa wakiwanyonya wakulima.

Pamoja na hayo soko litakuwa na Maduka ya kisasa, hoteli, Maegesho, Vyumba baridi (Coldroom) kwa ajili ya kuhidadhia ndizi.

Mpango wa serikali  ni kujenga Masoko mengine kama haya wilayani Rungwe katika awamu pili lengo likiwa ni kusogeza huduma karibu na wananchi.