RUNGWE DC YAJENGA SHULE MPYA ZA SEKONDARI

Imewekwa Tarehe: November 3rd, 2021

Kufuatia ongezeko la ufaulu wa wanafunzi wanafunzi katika shule za msingi (Darasa la saba), Halmashauri ya Wilaya ya Rungwe kwa Kushirikiana na wananchi wamejenga shule mpya ya sekondari Isaka katika kata ya Nkunga mita chache kutoka daraja la mto Igogwe barabara ya Kiwira-Hospitali ya Igogwe.

Baada  ya wananchi kuonesha juhudi ya kuanza msingi wa vyumba zaidi ya vitatu, Serikali imetoa shillingi million 40 kwa ajili ya ujenzi wa vyumba viwili vya madarasa hii ikijumuisha  pamoja na samani zake kama meza na viti.

Akikagua ujenzi huo Mkurugenzi Mtendaji Halmashauri ya wilaya ya Rungwe Bwana Renatus Mchau ameagiza uongozi wa kata ya Nkunga kukamilisha pia ujenzi wa vyoo vya walimu na wanafunzi pamoja na ofisi ya walimu ili iweze kusajiliwa mapema.

Shule zingine mpya za sekondari ni pamoja na Kyobo (Ikuti), Kibisi (Kyimo), Igogwe (Kinyala) na Lubwe (Kiwira)