CHANJO YA POLIO YATOLEWA RUNGWE

Imewekwa Tarehe: September 21st, 2023

CHANJO YA POLIO YATOLEWA RUNGWE

Zoezi la chanjo ya polio kwa watoto walio chini ya miaka nane (8) limeendelea leo vizuri katika kata zote 29 huku watoto wakijitokeza kwa wingi katika maeneo ya kutolea huduma ya afya.

Zoezi hili  linafanyika pia Nyumba kwa Nyumba pamoja na shule za Msingi zote.

Zoezi litadumu kwa muda wa siku nne kuanzia leo tarehe 21-24/9/2023.

Pamoja na mambo mengine watalamu wa afya wametoa elimu dhidi ya ugonjwa huu kwa wanafunzi na wazazi kuwa Polio inapelekea muathirika kupooza viungo vyake vya mwili.

Ugonjwa wa polio hauna tiba na kila mzazi anawajibu wa kumpeleka mtoto katika maeneo yaliyotengwa kwa ajili ya kutolea huduma ya afya kwa ajili ya chanjo ya matone au sindano (IPV)